1148~*Gham Ki Barish*~Pak Old...
Gham ki barish ne bhi
Tere naksh ko dhoya naheen
Tue ne muj ko kho deya
Main ne tuj ko khoya naheen
Neend ka halka gulabi sa khumaar
Aankhon main tha
Yun laga jaise woh shab ko
Dair tak soya naheen
Har taraf dewaar wa dar
Aur un main aankhon k hajum
Kah sake jo dil ki halat
Woh lab goya naheen
Jurm adam ne kiya aur
Nasal aadam ko saza
Kaat ta houn zindagi bhar
Main ne jo boya naheen
Janta houn aik aise shakhs ko
Main bhi "Muneer"
Gham se pathar ho gaya
Lekin kabhi roya naheen
No comments:
Post a Comment