| - مقبوضہ بیت المقدس( جسارت نیوز) اسرائیلی خبر ایجنسی اور پاکستان کی نیوز ایجنسیوں میں خبروں کے تبادلے کا معاہدہ ہو گیا ہے۔ یہودی خبر ایجنسی تازپت نے اعلان کیا ہے کہ وہ ویکلی پریس پاکستان کے ساتھ مل کر کام کررہی ہے۔ ویکلی پریس پاکستان کا صدر دفتر ٹورنٹو ' کینیڈا میں ہے اور یہ اردو میں شائع ہوتا ہے۔ ویکلی پریس گوگل پر صحافیوں میں تبادلہ خیال بھی پیش کرتا ہے اور 14ہزار صحافی اس گروپ کے رکن ہیں۔ اسرائیلی خبر ایجنسی کے تعاون سے ملنے والی خبریں اور مضامین ویکلی پریس پاکستان اردو میں پیش کررہا ہے۔ زیادہ تر خبریں اسرائیل کے بارے میں ہوتی ہیں۔ تازپت خبر ایجنسی پہلی اسرائیلی میڈیا کمپنی ہے جو پاکستان میڈیا گروپ کے تعاون سے اردو میں خبریں پیش کررہی ہے۔ یاد رہے کہ پاکستان نے اسرائیل کو تسلیم نہیں کیا اور ویب سائٹ پر دعویٰ کیا ہے کہ اسے اردو اور انگریزی میں تعصب سے پاک خبریں پیش کرنے پر فخر ہے۔ تازپت نیوز ایجنسی کے ڈائریکٹر اموز ایال کا دعویٰ ہے کہ پاکستان نیوز ایجنسی کے تعاون کی وجہ سے اسرائیل سے متوازن اطلاعات اور خبریں اردومیں لاکھوں افراد تک پہنچ رہی ہیں اور اس مشترکہ منصوبے سے اسرائیلیوں اور پاکستانیوں دونوں کوفائدہ ہوگا 'جس سے دونوں کے درمیان مفاہمت بڑھے گی۔ ویکلی پریس پاکستان دونوں ملکوں کے درمیان پل کا کام کررہا ہے۔ گزشتہ اپریل میں ویکلی پریس پاکستان نے اسرائیل کا یوم آزادی منایا اور اس کے فلاح انسانی کے منصوبوں پر روشنی ڈالی ۔اس موقع پر ویکلی پریس نے کہا کہ جو اسرائیل کے وجود کا انکاری ہے درحقیقت وہ اپنے وجود کا انکاری ہے 'بہترہے کہ ہم اسے نہ صرف تسلیم کریں بلکہ وقت ضائع کیے بغیر اس سے قریبی تعلقات قائم کریں۔ ٹورنٹو میں قائم ویکلی پریس نے جو پاکستان کا نام خاص مقصد کے لیے استعمال کررہا ہے اسرائیل کی 64ویں سالگرہ کی مبارکباد دیتے ہوئے پیشگوئی کی ہے کہ وہ دن دور نہیں جب پاکستان اور اسرائیل کے ذہین اور تعلیم یافتہ افراد ہاتھ میں ہاتھ دے کر انسانیت کی خدمت کریں گے۔ ویکلی پریس نے اسرائیل کو مشورہ دیا ہے کہ پاکستان ایک غیر عرب اور عجمی مسلمانوں کا ملک ہے' اس کو مد نظر رکھ کر میڈیا سے میڈیا کا رابطہ بڑھائے۔ عربی اور عجمی کا نکتہ اٹھانے سے ظاہر ہوگیا ہے کہ ویکلی پریس کے قیام اور رابطوں میں صہیونی سازش ہے۔ ویکلی پریس نے اسرائیل سے متعلق سچی خبریں دینے کادعویٰ کیا ہے لیکن اب تک مظلوم فلسطینیوں اور ان پر حملوں کی غیر جانبدارانہ خبر جاری نہیں کیں۔ شاید اس کی صہیونی حلیف تازپت کو یہ خبریں ملی ہی نہ ہوں۔ |
| -یہ تراویح انیسویں پارے کے ربع آخر سے بیسویں پارے کے اختتام تک کی تلاوت پر مشتمل ہے۔ سورۂ نمل میں اللہ تعالیٰ نے تفصیل کے ساتھ سیدنا سلیمانؑ کا ذکر فرمایا ہے۔ اللہ تعالیٰ نے انہیں جانوروں کی بولیوں کی سمجھ عطا فرمائی تھی اور جنات' انسان اور پرندوں پر پورا قابو عطا فرمایا تھا۔ ان واقعات میں سمجھ داروں کے لئے اللہ کی قدرت کی بڑی نشانیاں ہیں۔ ارشادِ باری تعالیٰ ہے کہ ''اے نبیؐ ! لوگوں کو بتادیجئے کہ اللہ کے سوا زمین اور آسمانوں میں کسی کو غیب کا علم نہیں ہے' اور یہ بات صرف اللہ کے علم میں ہے کہ لوگ کب اٹھائے جائیں گے۔ کفار کے دل سے آخرت کا یقین ختم ہوگیا ہے اور وہ حقیقت کی طرف سے شک میں پڑے ہوئے ہیں۔ بلاشبہ اللہ جانتا ہے کہ ایسے لوگوں کے سینے میں کیا چھپا ہوا ہے۔'' اس کے بعد سورۂ قصص شروع ہوتی ہے۔ سیدنا موسیٰؑ کی بعثت اور فرعون کی ہلاکت کا پورا واقعہ اور پھر قارون کی بے پایاں دولت' اس کا غرور و تکبر اور پھر اس کا مع اپنی تمام دولت کے زمین میں دھنس جانے کا ذکر فرماکر اللہ تعالیٰ نبی صلی اللہ علیہ وآلہ وسلم سے ارشاد فرماتا ہے کہ ''ہم یہ معلومات آپؐ کو اس لئے مہیا کررہے ہیں کہ آپؐ نافرمانوں کو متنبہ کردیں' شاید کہ وہ ہوش میں آجائیں اور ایمان لے آئیں' ورنہ اپنی بداعمالی کی بدولت ضرور کسی وبال میں گرفتار ہوجائیں گے۔ اے نبیؐ ! آپ منکرین سے پوچھیں کہ انہوں نے کبھی اس حقیقت پر غور کیا ہے کہ اللہ اگر ہمیشہ کے لئے ان پر رات کی تاریکی طاری فرمادے تو اللہ کے سوا کوئی ہے جو انہیں اس تاریکی سے نکال کر روشنی میں لے آئے؟ یہ اللہ کی رحمت ہے کہ اس نے دن اور رات بنائے تاکہ روزی تلاش کریں اور سکون حاصل کریں اور اپنے رب کے شکر گزار بنیں۔ اے نبیؐ! لوگوں کی ہدایت کا کام انجام دیتے رہو اور مخالفین کی مزاحمت کی فکر نہ کرو۔ دنیا کی ہر شے فانی ہے بجزاللہ کی پاک ذات کے۔ اس کی فرماں روائی ہر جگہ ہے۔ سب کو اس کی طرف لوٹنا ہے۔'' اس کے بعد سورۂ عنکبوت شروع ہوتی ہے۔ ارشاد باری تعالیٰ ہے ''کیا لوگ اس خوش فہمی میں مبتلا ہیں کہ ان کے صرف یہ کہہ دینے سے کہ وہ ایمان لے آئے ہیں' ہم ان کی آزمائش نہیں کریں گے؟ لوگو! تم پر جو سخت وقت آتا ہے دراصل وہ تمہارے صبر و تحمل کا امتحان ہوتا ہے۔ اس طرح اہلِ ایمان کو بھی جان لیتے ہیں اور جھوٹوں کو بھی پہچان لیتے ہیں۔ یہ سچ ہے کہ ہم نے تمہیں ماں باپ کے ساتھ اچھا سلوک کرنے کا حکم دیا ہے' لیکن اگر وہ تم کو شرک پر مجبور کریں اور تمہارے ایمان میں خلل ڈالیں تو ان کا کہا مت مانو۔ کافر مومنوں سے کہتے ہیں کہ ہمارے طریق کی پیروی کرو' ہم تمہارے گناہ سمیٹ لیں گے۔ وہ جھوٹے ہیں' کوئی کسی کا بوجھ نہیں اٹھائے گا۔'' اس کے بعد سیدنا نوح ؑ کا واقعہ بیان فرمایا ہے۔ وہ نو سو برس تک اپنی قوم کے درمیان فرائضِ پیغمبری ادا کرتے رہے' مگر قوم نافرمان تھی۔ بالآخر طوفان کے عذاب میں مبتلا ہوکر ہلاک ہوئی۔ اس کے بعد سیدنا ابراہیم ؑ' سیدنا لوط ؑ اور سیدنا شعیب ؑ کی قوموں کی ہلاکت کا ذکر ہے۔ ان کی گمراہی' بداعمالی اور فحش حرکات کی وجہ سے عذاب الٰہی نازل ہوئے اور ہلاکت کا سبب بنے۔ ان واقعات میں عقل رکھنے والوں کے لئے نصیحت ہے۔ سب کو اسی طرف لوٹنا ہے۔ قیامت برپا کی جائے گی۔ انصاف کے لئے میزان قائم کی جائے گی اور کسی شخص کی ذرا سی بھی حق تلفی نہیں ہوگی۔ |
| | |
| |
| | |
| This message was sent to majors.bruce@gmail.com from: Gary Johnson 2012 | 731 E. South Temple | Salt Lake City, UT 84102, USA |
| Unsubscribe |
WordPress.com
